Waqt konferenza tal-aħbarijiet, il-Kap Eżekuttiv tal-Fondazzjoni għal Servizzi ta’ Ħarsien Soċjali, is-Sur Alfred Grixti qal li l-FSWS se tkompli tkabbar l-investiment soċjali tagħha biex tipprovdi aktar servizzi li jilħqu aktar nies li jkollhom bżonn għajnuna. Huwa qal li l-budget għal din is-sena jlaħħaq €42 miljun. Min-naħa tiegħu l-Ministru għall-Politika Soċjali u d-Drittijiet tat-Tfal, Michael Falzon fakkar kif sena wara l-oħra l-akbar nefqa tal-gvern qed tmur fil-qasam soċjali.