IL-Fondazzjoni għal Servizzi ta’ Ħarsien Soċjali, nediet proġett ġdid bl-isem: New Beginnings: Empowering Against Trafficking. Dan qed isir b’kollaborazzjoni mal-Organizzazzjoni Internazzjonali tal-Emigrazzjoni (IOM).
Dan il-proġett huwa ikkofinanzjat mill-Fond għall-Ażil, il-Migrazzjoni u l-Integrazzjoni (AMIF), u għandu l-għan li jipprovdi appoġġ lill-vittmi tat-traffikar tal-persuni f’Malta.
Din il-kollaborazjoni tiffoka fuq ħidma ħolistika, kura għal trawmiet li jkunu għaddew minnhom il-vittmi, akkomodazzjoni sigura, appoġġ soċjali u psikoloġiku, assistenza legali, u għajnuna biex il-vittmi jerġgħu lura għal ħajja normali. Il-proġett jenfasizza l-prevenzjoni u kampanja ta’ għarfien permezz ta’ ’community outreach’, speċjalment fost gruppi vulnerabbli li qegħdin f’aktar riskju ta’ traffikar.
Il-proġett jinvolvi wkoll taħriġ professjonali għal ħaddiema frontliners biex ikunu f’pożizzjoni li jgħarrfu u jassistu vittmi ta’ traffikar fi stat bikri.