Fl-okkażjoni tal-Jum Dinji għall-Ħaddiema Soċjali li se jiġi ċċelebrat nhar it-Tlieta, 19 ta’ Marzu 2024, l-E.T. il-President ta’ Malta Dr George Vella, għamel żjara ta kortesija fl-Aġenzija Sedqa, fejn iltaqgħa mal-Kap Ezekuttiv tal-FSWS, t-tim manaġerjali u l-ħaddiema ta’ din l-istess aġenzija. Tul iż-żjara, ġiet spjegata l-ħidma li titwettaq ta’ kuljum mill-uffiċini tal-Aġenżija Sedqa ma’ nies bi problemi ta’ użu ta’ sustanzi u mal-familji tagħhom.