Direttorat tal-Kura Alternattiva

L-aċċess b’superviżjoni huma visti bejn il-ġenituri u wliedhom fejn il-ħsieb ewlieni huwa li t-tfal ikunu kontinwament imħarsa u jiġi assigurat li x-xewqat u d-drittijiet tagħhom ikunu mħarsa.

Kuntatt superviżjonat jiġi offrut f’sitwazzjonijiet familjari fejn ġenituri jkunu vittma ta’ sustanzi abbużivi, ikun hemm diffikultajiet ta’ saħħa mentali, nuqqas ta’ ħiliet ta’ ġenitur u problemi fir-relazzjoni mat-tfal. Dan jista’ jsir ukoll meta jkun hemm evidenza li kuntatt dirett bejn iż-żewġ ġenituri jista’ jpoġġi ġenitur wieħed u t-tfal f’periklu għalihom.

L-aċċess superviżjonat huwa mandatorju; għaldaqstant irid ikun ordnat mill-Qorti tal-Familja jew riferut mid-Direttorat għall-Ħarsien tat-Tfal. Għalhekk, jekk int qiegħed tissepara u tixtieq l-għajnuna tagħna trid tagħmel talba lill-Qorti.

Matul l-interventi mal-membri tal-familja, il-professjonisti jaraw li t-tfal ifittxu li jkollhom relazzjoni pożittiva u għalhekk relazzjoni sana. Il-bżonnijiet tat-tfal ikunu kontinwament imħarsa kif ukoll rispett lejn id-drittijiet tal-ġenituri, u għalhekk il-professjonisti jagħmlu minn kollox biex inaqqsu kull ħsara lejn it-tfal sabiex jiżviluppaw bi stabbiltà.

Dan is-servizz joffri kuntatt superviżjonat mit-Tnejn sal-Ġimgħa mit-8 a.m. sat-8 p.m. u s-Sibtijiet mit-8 a.m. sal-5 p.m.
Il-visti jibdew isiru ġewwa l-bini tal-aġenzija sabiex il-professjonisti jkunu jistgħu jevalwaw is-sitwazzjoni familjari u jirrakkomandaw l-awtorità kompetenti jekk l-aċċess għandux jiżdied fil-frekwenza u jinbidel il-post. Visti jistgħu jsiru kemm f’postijiet pubbliċi kif ukoll fid-dar tal-ġenituri wara evalwazzjoni.

Is-superviżuri preżenti għandhom l-obbligu li jissuperviżjonaw ir-relazzjoni tat-tfal mal-ġenituri l-ħin kollu tas-sessjoni. Jista’ jkun hemm sitwazzjonijiet fejn il-Qorti tal-Familja jew id-Direttorat għall-Ħarsien tat-Tfal jirreferu li l-familja jkollha moniteraġġ. F’dawn is-sitwazzjonijiet, il-professjonisti preżenti jattendu għal parti tal-aċċess tat-tfal mal-ġenituri. Matul l-interventi naraw li t-tfal huma mħarsa u l-ġenituri jingħataw sapport ta’ kif ikunu ġenituri aħjar għal uliedhom. Dan iseħħ jekk isir b’ordni mill-Qorti tal-Familja jew id-Direttorat għall-Ħarsien tat-tfal.

L-għan tal-fostering hu li nrabbu u nieħdu ħsieb tfal, f’dak kollu li għandhom bżonn, sakemm il-familji bijoloġiċi tagħhom ikunu f’qagħda aħjar biex jieħdu ħsiebhom.

Kulħadd jista’ jagħmel fostering, sakemm ikun adult, jidħol fil-kriterji ta’ eleġibbiltà, u jkollu l-abbiltajiet u l-ħiliet neċessarji biex jieħu ħsieb lit-tfal.

Hemm proċess biex issir foster carer. Dan jinkludi l-ewwel vista mill-ħaddiema soċjali fid-dar tal-applikanti, taħriġ inizjali għall-foster carers prospettivi, assessment intensiv mill-ħaddiema soċjali, u fl-aħħar, evalwazzjoni tar-rapport miktub fuq l-assessment mill-ħaddiema soċjali, mill-Bord tal-Fostering. Dan tal-aħħar jiddeċiedi jekk l-applikanti jiġux approvati jew le bħala foster carers.

It-tfal fi bżonn ta’ foster families huma tfal ta’ kull età, minn trabi tat-twelid sa 18-il sena, li l-familji bijoloġiċi tagħhom ikunu għaddejjin minn xi żmien diffiċli li fiċ-ċirkustanzi ma jippermettux li t-tfal jibqgħu jgħixu magħhom.

Hemm żewg tipi ta’ taħrig li s-servizz tal-fostering joffri; It-taħriġ għal Prospective Next-of-Kin Foster Carers; Dan huwa taħriġ li jingħata lill-familjari tal-minuri. Dan ikun fuq żewġ sessjonijiet u ġeneralment ikun filgħodu. It-taħriġ għal Prospective Non-Related Foster Carers Dan it-taħriġ għandu tmien sessjonijiet u ġeneralment ikun filgħaxija. Dan it-taħriġ jagħti informazzjoni dettaljata fuq il-proċess tal-fostering. Jagħti wkoll l-opportunità biex wieħed ikun jista’ jsaqsi xi mistoqsijiet li jkollu qabel ma jibda l-esperjenza tal-fostering.

L-assessjar isir mill-ħaddiema soċjali, mal-foster carers prospettivi. Il-ħaddiema soċjali tagħmel numru ta’ visti d-dar biex issir taf aktar lill-applikanti u l-familja tagħhom. Flimkien ikunu jistgħu jiddiskutu l-ħiliet u l-abbiltajiet tal-applikanti, kif ukoll jiddiskutu ċerti diffikultajiet li jistgħu joħorġu matul l-assessjar innifsu, kif ukoll waqt l-esperjenza tal-fostering.

Long-term placement – Meta l-placement idum aktar minn 6 xhur. <br> Short-term placement – Meta l-placement idum inqas minn 6 xhur. <br> Respite placement – Meta l-placement idum għal ftit ġranet. <br> Emergency placement – Meta l-minuri jkollhom bżonn placements urġenti.

Iva. Meta jkun fl-aħjar interess tat-tfal, it-tfal ikollhom kuntatt mal-ġentituri naturali. Dan il-kuntatt jista’ jsir b’visti kemm ġewwa l-APPOĠĠ, kif ukoll barra mill-APPOĠĠ, u jistgħu jkunu taħt superviżjoni.

Il-foster carers ikollhom kuntatt kontinwu mas-social worker li tkun qed taħdem id f’id magħhom sabiex jiġi mħares l-interess tat-tfal fostered. Dan il-kuntatt jista’ jikkonsisti minn telefonati, e-mails u anke visti li jsiru madwar kull erba’ gimgħat fir-residenza tal-foster carers.

Barra mill-kuntatt mal-ħaddiema soċjali, il-foster carers jingħataw aktar sapport billi jingħataw taħriġ kontinwu, jingħataw l-opportunità illi jitkellmu ma’ counsellor fi ħdan il-fostering team stess jekk ikollhom bżonn aktar sapport, u jistgħu jibbenefikaw minn servizzi oħrajn fi ħdan l-Aġenżija bħal pereżempju, terapija tal-familja.

Id-domanda hija waħda kbira minħabba l-fatt illi b’mod kontinwu, numru ta’ tfal jiġu referuti għas-Servizz tal-Fostering, sabiex jibbenefikaw mis-sigurtà li jipprovdi ambjent ta’ familja, sakemm il-familja bijoloġika tagħhom tiġi fuq saqajha. Sfortunatament, niltaqgħu mar-realtà illi mhux it-tfal kollha referuti ikollhom l-opportunità li jirrisjedu ma’ foster family.

Il-fostering jagħti opportunitajiet ġodda lil tfal li kienu jgħixu f’sitwazzjoni li setgħet kienet ta’ riskju għalihom u li jkunu għaddew minn diversi trawmiet. Jagħtihom opportunità ta’ ambjent san u sigur fejn jistgħu jħejju t-triq futura tagħhom u anke jsaħħu r-relazzjoni mal-familja naturali tagħhom.

Ħaddiema soċjali fi ħdan is-servizz tal-Looked After Children prinċipalment iservu r-rwol ta’ ħaddiema ewlenin f’kull każ tal-minuri.
Kull minuri li jkun qiegħed jiġi segwit minn dan is-servizz jingħata l-opportunità sabiex jibni relzzjoni mal-ħaddiema soċjali tiegħu/tagħha, li l-għan aħħari tagħhom huwa dak li jassiguraw il-benesseri tal-istess minuri.
During the initial meeting, the Social Worker discusses the following:
Fil-fatt, ir-rwol tal-ħaddiema
soċjali huwa dak
li jagħmlu moniteraġġ
ta’ kull minuri fi ħdan ir-residenza alternattiva tiegħu/tagħha,

kif ukoll li jifformulaw pjan ta’ kura sabiex jiġu indirizzati l-bżonnijiet u

s-sitwazzjonijiet partikolari tagħhom.

It-tim tal-Looked After Children isegwi u jaħdem mat-tfal kollha li jirrisjedu ġewwa residenzi alternattivi varji, i.e. prinċipalment ġewwa djar residenzjali, fostering placements, faċilitajiet li jippromwovu ħajja indipendenti, kif ukoll dawk li huma ffosterjati mill-qraba tagħhom (next-of-kin fostering). Kull minuri li jiġi segwit mis-servizz ikun protett jew taħt Ordni ta’ Ħarsien, taħt Ordni tal-Qorti jew ikun qiegħed jirrisjedi ġewwa r-residenza alternattiva kurrenti tiegħu/tagħha, wara li jkun intlaħaq ftehim volontarju mal-kustodji legali tal-istess minuri. L-età tal-minuri tvarja bejn trabi tat-twelid sa utenti tas-servizz li jkunu laħqu l-età ta’ adulti u qegħdin jgħixu ħajja indipendenti. Fil-fatt, is-servizz jipprevedi li jibqa’ jsegwi utenti tas-servizz li ma għadhomx minuri, sabiex dawn jiġu offruti l-għajnuna u s-sapport meħtieġ sabiex jippruvaw jassiguraw tranżizzjoni bla xkiel għall-ħajja adulta.

Għakemm it-tim tal-Looked After Children huwa magħmul minn numru kbir ta’ professjonisti, l-għan prinċipali jibqa’ dak li jipprovdi servizz li huwa speċifikament iffukat fuq il-klijent u li jindirizza l-bżonnijiet individwali ta’ kull minuri. Fil-fatt, il-ħaddiema soċjali kollha jagħmlu l-almu tagħhom sabiex jassiguraw li kull tifel u tifla jiġu trattati bħala individwi bil-bżonnijiet u l-gosti diversi tagħhom, filwaqt li jibbażaw pjan ta’ kura adegwat u bbażat fuq dan l-assessjar. Kull tifel u tifla jingħataw l-għajnuna sabiex jesprimu l-opinjonijiet tagħhom rigward is-sitwazzjoni preżenti tagħhom, kif ukoll jiġu mħeġġa sabiex ikunu parteċipanti attivi fil-pjan ta’ kura tagħhom stess. Fil-fatt, il-kunċett ta’, “il-Vuċi tal-Minuri”, huwa prinċipju fundamentali li fuqu huwa bbażat is-servizz.

Minkejja l-fatt li l-maġġoranza tal-minuri li jiġu segwiti mis-servizz tal-Looked After Children jgħixu ġewwa residenzi alternattivi, barra mid-dar tal-familja bijoloġika tagħhom, is-servizz jagħraf il-valur u l-importanza li ħafna tfal jagħtu lill-familji tal-oriġini tagħhom, kif ukoll tar-rwoli varji li dawn għandhom fil-ħajja tagħhom. Fil-fatt, il-ħaddiema soċjali ta’ kull minuri jippruvaw jinvolvu lill-ġenituri jew lil qraba sinifikanti oħra, partikolarment lill-aħwa, fil-pjan ta’ kura tal-minuri. Dawk il-qraba li l-minuri jqisu bħala persuni sinifikanti, huma mħeġġa u ssapportjati sabiex iżommu kuntatt regolari kemm mal-minuri kif ukoll ma’ dawk li jkunu qegħdin jieħdu ħsiebhom (primary carers). Dan jibqa’ fis-seħħ kemm-il darba dan ma jkunx ta’ detriment għall-benesseri tal-minuri jew għall-pjan ta’ kura tiegħu jew tagħha, kif ukoll sakemm il-minuri jkunu qegħdin jaqblu ma’ dawn l-arranġamenti. Dawn l-imsemmija qraba huma wkoll parteċipanti attivi, kif ukoll huma parti ewlenija fir-reviżjoni tal-pjan ta’ kura tal-minuri.

Social contacts huma persuni illi jkunu lesti sabiex b’mod konsistenti jallokaw il-ħin u r-riżorsi tagħhom lill-minuri. Social contacts jistgħu jallokaw ftit sigħat, jew inkella numru ta’ ġranet matul il-ġimgħa sabiex iqattgħuh mal-minuri, li preżentament qegħdin f’kura alternattiva.

Social contacts prospettivi jrid ikollhom iktar minn 18-il sena. Huma jridu jkunu wkoll dententuri ta’ kondotta tal-pulizija nadifa. L-iktar importanti huwa illi jikkommettu ruħhom sabiex iżommu kuntatt kontinwu mal-minuri. Il-persuni illi japplikaw sabiex isiru social contacts iridu jkunu kapaċi juru ħiliet sabiex jorganizzaw kuntatt kostruttiv mal-munuri. Apparti minn hekk, social contacts prospettivi jridu jkunu lesti wkoll sabiex jimxu mar-rakkomandazzjonijiet mogħtija lilhom mill-ħaddiema soċjali waqt illi jkun qiegħed isir l-assessment.

Persuni interessati illi jsiru social contacts, għandhom jitkellmu ma’ xi professjonist illi jaħdem mal-Fondazzjoni għas-Servizzi Soċjali, sabiex timtela l-formola tar-riferiment tas-Social Contacts. Il-formola tar-riferiment imbagħad tintbagħat lill-ħaddiema soċjali tas-servizz tas-Social Contacts. <br> Wara li jsir ir-riferiment, u l-każ jiġi allokat, il-ħaddiema soċjali tintroduċi lilha nnifisha mas-social contact prospettivi u tispjega r-rwol tagħha ġewwa d-Direttorat Kura Alternattiva. Il-ħaddiema soċjali mbagħad tippjana data mas-social contacts prospettivi sabiex issir laqgħa fejn jiġi diskuss x’inhu mistenni minnhom u x’inhuma l-ħtiġijiet. <br> Matul din il-laqgħa l-ħaddiema soċjali tiddiskuti dawn li ġejjin: <br> Ir-raġuni għala qegħdin japplikaw sabiex isiru social contacts <br> It-tip ta’ kuntatt u impenn illi lesti li joffru <br> Xi preferenzi partikolari fir-rigward ta’ etajiet u sess tal-minuri <br> Il-pjanijiet fit-tul illi s-social contacts prospettivi għandhom f’relazzjoni mal-minuri prospettiv <br> L-involviment ta’ xi membri oħra tal-familja <br> Xi diffikultajiet li jistgħu jinstabu waqt il-kuntatt <br> Il-ħiliet tas-social contacts prospettivi <br> Kif iġibu ruħhom f’każ ta’ tantrum jew imġiba ħażin <br> Wara l-laqgħa inizjali, il-ħaddiema soċjali jorganizzaw vista ġewwa d-dar mas-social contacts prospettivi, u mal-membri l-oħra tal-familja. Waqt din il-vista l-ħaddiema soċjali tassessja r-residenza u ddur mal-kmamar kollha neċċessarji. Wara dan l-intervent, il-ħaddiema soċjali jduru n-noti ta’ taħriġ, illi jinkludi informazzjoni fuq l-izvilupp tat-tfal, trawma, trobbija tat-tfal pożittiva, trasferiment u atteġġjament. <br> Il-ħaddiema soċjali mbagħad tiddiskuti xi mistoqsijiet li jkun baqgħalhom, u jiġi ffinalizzat l-assessjar sabiex jiġi komplut ir-rapport finali. Hekk kif ir-rapport jiġi ffinalizzat, dan jiġi preżentat quddiem il-Bord tas-Social Contacts, li huwa responsabbli sabiex jiddetermina jekk is-social contacts jiġux approvati jew le.

Jista’ jadotta, kemm persuna waħidha, miżżewġa jew tikkoabita. Wieħed irid ikollu 28 sena jew aktar (għall-inqas wieħed mill-applikanti f’każ ta’ koppja) waqt li bejn it-tifel/tifla u wieħed mill-ġenituri adottivi, irid ikun hemm diskrepanza massima ta’ 48 sena.

Wieħed jista’ faċilment jagħmel kuntatt ma’ Aġenzija Tfal (Kura Alternattiva) u jistaqsi għas-Servizz tal-Adozzjoni. Kuntatt jista’ jsir permezz tat-telefown, website u anke l-paġna ta’ Facebook. Wieħed jista’ wkoll jiġi l-uffiċini tal-Aġenzija Appoġġ ġewwa Gwardamanġa. Ħaddiema soċjali j/tiltaqa’ mal-ġenituri adottivi prospettivi sabiex j/tispjega l-proċess tal-adozzjoni u j/twieġeb xi mistoqsijiet li jkollhom.

Waqt is-sessjoni tal-intake, il-ġenituri adottivi prospettivi jiġu pprovduti bid-dokumenti neċessarji sabiex jimlewhom u jgħadduhom lill-ħaddiema soċjali tas-Servizz tal-Adozzjoni. Il-ġenituri adottivi prospettivi mbagħad ikollhom bżonn jattendu għal kors preparatorju ta’ seba’ (7) ġimgħat, fejn wara, il-ħaddiema soċjali j/tagħmel żjarat ġewwa d-dar tal-ġenituri adottivi prospettivi u j/torganizza laqgħat magħhom biex jiġi ppreparat il-Home Study Report li jinkludi assessment dettaljat tal-ġenituri adottivi prospettivi. Dan ir-rapport jiġi ppreżentat lill-Bord tal-Adozzjoni li, wara li jevalwa l-kontenut tar-rapport, japprova l-ġenituri adottivi prospettivi jew ma japprovahomx. Malli jiġu approvati, il-ġenituri adottivi prospettivi jkunu jistgħu japplikaw mill-pajjiż tal-għażla tagħhom fejn ikollhom bżonn isegwu l-proċedura stabbilita minn dak il-pajjiż u jissottomettu d-dokumenti neċessarji. L-applikazzjoni titqiegħed fil-lista tal-pajjiż sakemm tifel/tifla tiġi matched għall-adozzjoni. Meta tifel/tifla tiġi matched, rapport mediku li jkun jinkludi l-istorja medika tat-tifel/tifla, jiġi skrinjat mill-Head Pediatrician tal-Isptar Mater Dei sabiex tinħareġ l-approvazzjoni li t-tifel/tifla jista’ jiġi adottat/a f’Malta. Proċeduri legali kemm barra minn Malta u anke fil-Qrati Maltin huma meħtieġa sabiex l-adozzjoni tiġi meqjusa legalment valida.

Il-pajjiżi li huma miftuħin għall-adozzjoni bħalissa jinkludu l-Albanija, il-Bulgarija, is-Slovakkja, il-Latvja, il-Polonja, il-Portugall, iċ-Ċilì u l-Indja. Wieħed jista’ wkoll jadotta minn Malta. Is-Servizz tal-Adozzjoni jaħdem kontinwament sabiex jiftaħ pajjiżi oħra, biex l-applikanti jkollhom aktar għażliet u possibbiltajiet.

Fil-każ ta’ adozzjonijiet minn barra minn Malta u anke minn Malta stess, tfal adottati jiġu segwiti mill-ħaddiema soċjali tas-Servizz tal-Adozzjoni, fejn il-ħaddiema soċjali jaraw il-progress ta’ dawn it-tfal. F’każ ta’ tfal adottati minn barra minn Malta, dan il-progress jiġi rrappurtat lill-pajjiż ta’ oriġini tat-tfal. Kull pajjiż jispeċifika l-frekwenza ta’ dawn ir-rapporti u sa liema età jibqgħu jintbagħtu. Apparti minn hekk, is-Servizz tal-Adozzjoni jibqa’ jipprovdi s-sapport neċessarju lill-familji u jgħinhom jaċċessaw servizzi skont il-bżonn.

Peress li s-Servizz tal-Adozzjoni jaqa’ taħt il-Foundation for Social Welfare Services, li hija entità governattiva, is-servizzi offruti mis-Servizz tal-Adozzjoni huma mingħajr ħlas. L-ispejjeż jibdew meta l-applikanti jaċċessaw servizzi esterni bħala parti mill-assessjar tal-adozzjoni, bħal pereżempju, it-tabib tal-familja, nutar, psikologu eċċ. Il-maġġorparti tal-ispejjeż jiġu mal-adozzjoni nnifisha meta l-applikanti jkollhom bżonn isiefru fil-pajji’ minn fejn se jadottaw lit-tfal. Dawn jinkludu titjiriet, akkomodazzjoni, ivvjaġġar, traduzzjoni ta’ dokumenti u servizzi legali.

Ġenituri li jadottaw minuri minn barra inn Malta jiġu rimburżati parzjalment għall-ispejjeż li jintefqu waqt il-proċess tal-adozzjoni li ma jaqbżux l-€10,000. Dan is-sussidju japplika biss għall-adozzjonijiet minn barra minn Malta li ġew iffinalizzati mill-10 ta’ Ottubru 2017 ’il quddiem, anke jekk il-proċess tal-adozzjoni beda qabel din id-data. Adozzjoni tiġi kkunsidrata bħala finalizzata biss meta l-proċess legali jiġi konkluż fil-Qrati Maltin u jinħareġ Digriet mill-Qorti.

Home-Start joffri sapport lil ġenituri li għandhom tfal taħt il-ħames snin u li jsibu ruħhom f’sitwazzjoni diffiċli waqt li jkunu qed irabbu lil uliedhom. <br> Numru ta’ voluntiera, huma stess ġenituri jew b’esperjenza diretta fit-trobbija tat-tfal, iżuru lill-familji fid-dar tagħhom u joffrulhom is-sapport kollu meħtieġ.<br> Numru ta’ voluntiera, huma stess ġenituri jew b’esperjenza diretta fit-trobbija tat-tfal, iżuru lill-familji fid-dar tagħhom u joffrulhom is-sapport kollu meħtieġ.

Kull talba tkun assessjata biex jingħata l-aħjar servizz. Kull familja jista’ jkollha bżonn ta’ sapport differenti. Il-ġenituri jista’ jkollhom bżonn lil min jismagħhom, lil min jakkumpanjahom għal xi appuntament, jew li min jgħinhom jinvolvu ruħhom aħjar fl-iżvilupp ta’ wliedhom bħal waqt il-logħob jew attivitajiet oħra. <br> Iż-żjarat fid-dar isiru darba fil-ġimgħa minn voluntiera li jingħataw taħriġ. Il-voluntiera stess jingħataw sapport regolari mill-persuna professjonali inkarigata mis-servizz biex ikunu jistgħu jagħtu sapport lill-familji bl-aktar mod effettiv.

Iva, is-servizz jingħata fuq bażi volontarja.

Jekk int ġenitur jew għandek esperjenza diretta ta’ trobbija u tixtieq tagħmel xogħol volontarju ma’ Home-Start tista’ ċċempel 99018398 jew tibgħat email fuq [email protected].

Min jixtieq jieħu servizz mingħand Home-Start Malta jista’ jċempel jew jibgħat email hu stess fuq [email protected] u jitkellem mal-persuna inkarigata mis-servizz għal aktar tagħrif u biex isir appuntament. <br> Il-ħinijiet tal-uffiċċju huma mit-Tnejn sal-Ġimgħa mis-7.30am sal-4pm.

Dan huwa servizz li jipprovdi akkomodazzjoni alternattiva lil tfal u żgħażagħ li ma jkunux jistgħu jgħixu mal-familjari tagħhom jew ma’ familji alternattivi taħt l-iskema tal-Fostering. Għan ieħor tas-servizz hu li jgħin lis-Servizzi Soċjali billi jipprovdi akkomodazzjoni biex jinżammu tfal u żgħażagħ aħwa jgħixu flimkien, fejn dan ikun fl-aħjar interess tagħhom.

Dan is-servizz jaħdem ma’ tfal fi kwalunkwe stadju tat-trobbija tagħhom, kemm jekk għadhomx jitwieldu kif ukoll meta jagħlqu t-tmintax-il sena. Is-servizz jiġi estiż għal dawk iż-żgħażagħ li jagħlqu t-tmintax-il sena u li jkun possibbli għalihom li jibqgħu jirrisjedu fid-dar alternattiva tagħhom.

Dawn it-tfal u ż-żgħażagħ jiġu riferuti mis-servizzi li jagħmlu parti mill-Fondazzjoni għas-Servizzi Soċjali.

Dan is-servizz jopera fuq bażi ta’ 24 siegħa. Jipprovdi kura lil dawk it-tfal u żgħażagħ li jkunu qegħdin jgħixu f’akkomodazzjoni li jipprovdi dan is-servizz. Tul il-ġrajja tagħhom magħna, it-tfal jingħataw sapport sabiex jirriflettu u jifhmu l-weġgħat li għaddew minnhom u wkoll spazju biex jiżviluppaw f’ambjent sant. Dan isir permezz ta’ tim sħiħ ta’ professjonisti fosthom support workers, ħaddiema soċjali, ħaddiema tal-youth work u bosta individwi oħra li jagħmlu parti mill-ħajja tat-tfal u żgħażagħ.

Dan is-servizz ġie żviluppat biex jagħti struttura sana lil dawk it-tfal u żgħażagħ li għal raġunijiet varji ma setgħux jibqgħu jgħixu mal-familji tagħhom jew ma’ servizzi oħra li jagħtu akkomodazzjoni alternattiva. Il-ħsieb wara dan is-servizz hu li kemm jista’ jkun it-tfal u żgħażagħ jiġu esposti għall-ambjent ta’ familja fil-komunità sabiex ikomplu jsaħħu l-ħiliet tagħhom għal futur aħjar.

L-għan ta’ dan is-servizz hu li nissapportjaw liż-żgħażagħ biex ikollhom struttura u stabbiltà fil-ħajja tagħhom speċjalment dawk li huma f’riskju. Is-servizz jiżviluppa u jgħin biex iż-żgħażagħ iżommu r-relazzjonijiet b’saħħithom man-nies ta’ madwarhom. Bħala servizz jagħti appoġġ liż-żgħażagħ biex ikunu indipendenti fid-deċiżjonijiet li jieħdu ta’ kuljum.

Żgħażagħ li l-etajiet tagħhom huma bejn 15 u 25 sena li jistgħu jibbenefikaw mis-servizz.

Embark for Life joffri liż-żgħażagħ diversi opportunitajiet. Apparti li jingħataw sapport biex isibu impjieg, bħala servizz jorganizza diversi tipi ta’ workshops u attivitajiet barra

Kull żagħżugħ jista’ jibbenefika mis-servizz. Wieħed jista’ jinforma lill-professjonist li qiegħed jaħdem miegħu jew inkella jiġi l-uffiċċju li għandna l-Imsida fil-ħinijiet tal-uffiċċju. Dawk interessati jistgħu jikkuntattjawna permezz tat-telefown.

Is-servizz huwa magħmul minn youth workers u social welfare professionals. Iż-żewġ professjonisti jagħmlu minn kollox biex jissapportjaw liż-żgħażagħ.

Iva, is-servizz tagħna jaħdem ħafna ma’ aġenziji/organizzazzjonijiet oħrajn biex nagħtu appoġġ liż-żgħażagħ. Apparti minn hekk, naħdmu ħafna viċin ta’ dawk iż-żgħażagħ li qegħdin jiskontaw sentenza ta’ priġunerija fejn qabel ma joħorġu mill-ħabs ikunu diġà sabu impjieg.

Bħala servizz naħdmu ħafna viċin kemm ma’ CCF u anke mal-CoRRs fejn iż-żgħażagħ ikunu miżmugħin. Isiru diversi sessjonijiet regolari maż-żgħażagħ biex jissapportjawhom biex isibu xogħol. Bħala servizz, għandna kuntatt ma’ diversi kumpaniji li lesti li jgħinu lil dawn iż-żgħażagħ. Apparti minn sessjonijiet one to one, xi kultant nagħmlu wkoll workshop biex ngħinuhom jintegraw sew fis-soċjetà u nipprevjenu milli jerġgħu jispiċċaw il-ħabs.

L-għan tas-servizz huwa biex dawk iż-żgħażagħ li huma f’riskju jkollhom struttura fil-ħajja taghhom. Il-Proġett, li huwa konness mal-Prince’s Trust International Achieve Programme, jipprovdilhom stil ta’ ħajja sigura u stabbli u jgħinhom biex jibnu relazzjonijiet b’saħħithom u siguri.

Dawk iż-żgħażagħ li l-etajiet tagħhom huma bejn 15 u 18-il sena jistgħu jibbenefikaw mill-programm. Dal-programm huwa mmirat għal żgħażagħ bi mġiba diffiċli, żgħażagħ b’xi vizzju u dawk li jitilqu mill-iskola.

Il-programm idum xi tlieta jew erba’ xhur.

Iż- żgħażagħ jiltaqgħu

erba’ darbiet fil-ġimgħa

u kull sessjoni tieħu erba’ sigħat.

Il-programm jiffoka fuq il-ħiliet taż-żagħżugħ. Hemm diversi suġġetti fejn iż-żgħażagħ jistgħu jagħżlu biex jaħdmu fuqhom. Bejn wieħed u ieħor, kull żagħżugħ jagħmel seba’ suġġetti b’għajnuna tal-professjonisti. Dan il-programm, jekk isir kollu, ikun jiswa daqs 1 O Level fejn iż-żagħżugħ jista’ japplika kemm għall-MCAST kif ukoll għall-ITS.

Le. L-għan tagħna hu li ż-żgħażagħ jibbenefikaw mis-sistema ta’ edukazzjoni b’differenza. Aħna ma niffukawx fuq il-kitba imma fuq attivitajiet fi gruppi kemm ġewwa u anke barra l-bini. Kitba ssir imma tieħu ftit tal-ħin.

Le. L-għan tagħna hu li ż-żgħażagħ jibbenefikaw mis-sistema ta’ edukazzjoni b’differenza. Aħna ma niffukawx fuq il-kitba imma fuq attivitajiet fi gruppi kemm ġewwa u anke barra l-bini. Kitba ssir imma tieħu ftit tal-ħin.

Il-programm isir l-Imsida imma diversi attivitajiet isiru fuq barra.

Le. Il-programm huwa b’xejn anke meta l-attivitajiet isiru fuq barra. Aħna nagħmlu minn kollox biex nipprovdu servizz u esperjenza unika għaż-żgħażagħ. L-unika ħaġa li aħna nitolbu hija li ż-żgħażagħ jikkommettu ruħhom.

Bħalma diġà għedna, il-programm huwa bbażat fuq edukazzjoni informali. Ħadd ma hu mistenni li jiġi bl-uniformi.

Le. Aħna nipprovdu liż-żgħażagħ ikel u xorb matul is-sessjonijiet anke meta nagħmlu xi attività barra.

Il-proġett iffinanzjat taħt l-Għotjiet taż-ŻEE 2014-2021 fil-Fondazzjoni għas-Servizzi ta’ Ħarsien Soċjali. L-għan ta’ dan il-proġett huwa li jtejjeb il-benesseri ta’ żgħażagħ ta’ 13-25 sena li jinsabu f’riskju ta’ esklużjoni soċjali, u jgħinhom jintegraw lura fis-soċjetà. Għandna fondi li huma allokati speċifikament biex nagħtu liż-żgħażagħ l-opportunità li jirreġistraw f’kors ta’ taħriġ edukattiv li jgħinhom iwettqu l-ħolm tagħhom rigward l-impjieg. Fil-mument għandna numru ta’ adolexxenti li huma rreġistrati f’korsijiet differenti bħalma huma l-parrukkjar (kemm fi grupp kif ukoll wieħed għal wieħed), imsiemer, barbering, kors ta’ sigurtà u anke lezzjonijiet tas-sewqan. Hemm ukoll żgħażagħ li qed jagħżlu ECDL, kors tal-makeup u tagħlim f’suġġetti tal-O level. F’dan ir-rigward, għandna tim ta’ professjonisti li jaħdmu fuq livell individwali maż-żgħażagħ riferuti għall-proġett biex isostnuhom biex isibu kors ta’ taħriġ jew jidħlu f’impjieg u tim ieħor ta’ professjonisti li qed jaħdmu fuq kampanja ta’ prevenzjoni mmirata għaż-żgħażagħ kollha f’ambjenti varji. Għandna wkoll professjonisti li jistgħu jorganizzaw sessjonijiet informattivi tal-grupp li jkopru suġġetti bħat-teħid tad-deċiżjonijiet, l-immaniġġjar tal-istress, self esteem u suġġetti oħra li huma adattati għall-adolexxenti.

Jiddependi fuq il-kriterji ta’ eliġibilità tal-kors, għal ħafna korsijiet, il-kriterji ta’ eliġibilità huma 15 jew 16, 18 meta niġu għal-liċenzja tas-sewqan.

Le, billi dan mhux konformi mal-Liġi Maltija. L-opportunitajiet attwali jinkludu; – O Levels – Kors tal-hairdressing – Kors tad-dwiefer – Lezzjonijiet tas-sewqan – Kors tas-sigurtà – Korsijiet tal-MCAST part-time – Makeup course. Din il-lista tinbidel hekk kif fil-proġett Ok ma nippjanawx il-korsijiet u nitolbu liż-żgħażagħ biex jissieħbu, aħna nfittxu feedback mingħand iż-żgħażagħ u nippjanaw korsijiet biex jissodisfaw ix-xewqat taż-żgħażagħ. Ladarba l-persuna ssir benefiċjarja tal-proġett, iż-żgħażagħ se jkollhom ħaddiem assenjat li se jiltaqa’ maż-żgħażagħ biex jindirizza l-bżonnijiet biex jipprovdi l-appoġġ meħtieġ. Bejn 13 u 18-il sena. Isir xogħol maż-żgħażagħ biex ikunu mogħtija l-għajnuna neċessarja b’rabta mad-diffikultajiet tagħhom, inkunu hemm biex inwasslu l-messaġġ taż-żgħażagħ u biex noħolqu pjattaforma biex iż-żgħażagħ jilħqu l-milja tagħhom filwaqt li jindirizzaw id-diffikultajiet li jkunu għaddejjin minnhom. Użu ħażin tas-sustanzi, attitudni li tmur kontra n-normi, użu ħażin tat-teknoloġija, kif persuna għandha taġixxi f’ċirkostanzi ta’ rabja, riskji li jidħlu fihom żgħażagħ eċċ. Dan it-tim hu magħmul minn professjonisti varji li qed jaħdmu flimkien biex jintervjenu maż-żgħażagħ. Fost l-oħrajn hemm ħaddiema soċjali u youth workers li jkunu wkoll f’kuntatt kontinwu ma’ professjonisti oħrajn li jaħdmu f’servizzi varji. Iva, min jieħu dan is-servizz jagħmel dan fuq bażi volontarja. Min għandu l-kura u kustodja tal-minuri jkun irid jagħti l-kunsens tiegħu biex dan is-servizz ikun jista’ jiġi mogħti. Iva, min jieħu dan is-servizz jagħmel dan fuq bażi volontarja. Min għandu l-kura u kustodja tal-minuri jkun irid jagħti l-kunsens tiegħu biex dan is-servizz ikun jista’ jiġi mogħti. Dan jiddependi mill-bżonnijiet tal-klijent. Il-ħaddiema huma flessibbli dwar il-mod użat biex jiltaqgħu mal-klijenti u allura l-interventi jistgħu jsiru f’postijiet u metodi varji, eżempju fid-djar, waqt xi mixja, mill-post fejn noperaw u postijiet oħrajn li jkunu safe biex sezzjonijiet bħal dawn ikunu jistgħu jsiru b’mod effettiv.