Il-Vjaġġ għall Adozzjoni

Ħafna nies esploraw it-triq tal-adozzjoni f'xi stadju jew ieħor f'ħajjithom. Wieħed jistaqsi din it-triq fejn twasslek. Hija ħaġa li tixtieq tesplora aktar?​

Wieħed jista' faċilment jagħmel kuntatt mal-Aġenzija Tfal (Kura Alternattiva) u jistaqsi għas-Servizz tal-Adozzjoni. Il-kuntatt jista' jsir permezz tat-telefon, il-websajt kif ukoll il-paġna ta' Facebook. Ħaddiem soċjali se jiltaqa' mal-ġenituri adottivi prospettivi biex jispjega l-proċess ta' adozzjoni u jwieġeb kwalunkwe mistoqsija. Matul l-ewwel sessjonijiet, il-ġenituri adottivi prospettivi jingħataw il-formoli meħtieġa biex jimlew u jissottomettu l-applikazzjoni tagħhom.

Il-ġenituri adottivi prospettivi se jkollhom jattendu kors ta' preparazzjoni ta' 7 ġimgħat. Matul il-kors, il-ħaddiema soċjali se jagħtu nformazzjoni estensiva dwar l-adozzjoni u x'jinvolvi l-proċess tal-adozzjoni.

li se jkunu qed jieħdu ħsieb l-applikazzjoni tagħhom.

Il-ġenituri adottivi prospettivi jissottomettu numru ta' dokumenti kif spjegat matul il-kors. Il-ħaddiema soċjali jagħmlu l-assessjar tal-ġenituri adottivi prospettivi li jinvolvu numru ta' żjarat fid-dar u laqgħat oħra mal-ġenituri adottivi prospettivi. Il-ħaddiema soċjali għandhom iħejju l-Home Study Report li jinkludi l-assessjar estensiv tal-ġenituri adottivi prospettivi. Dan ir-rapport imbagħad jiġi ppreżentat lill-Bord tal-Adozzjoni.

Wara li l-Bord tal-Adozzjoni jirrevedi l-kontenut tal-Home Studay Report, ikun magħruf jekk dan jiġix approvat jew le.

Wara li l-Bord tal-Adozzjoni jirrevedi l-kontenut tal-Home Studay Report, ikun magħruf jekk dan jiġix approvat jew le.

Ladarba tifel jew tifla tiġi matched, jintbagħtu għadd ta' rapporti lill-ġenituri adottivi prospettivi dwar il-minuri, inkluż Rapport Mediku tal-Adozzjoni, li jkun fih l-istorja medika tat-tifel jew tifla. Dan jiġi skrutinizzat mill-Kap tal-Pedjatrija fl-Isptar Mater Dei biex tingħata l-approvazzjoni biex il-minuri jiġi adottat f'Malta. Ladarba tinħareġ l-approvazzjoni, il-ġenituri adottivi prospettivi jibdew il-proċeduri legali permezz ta' avukat fil-pajjiż ta' oriġini tat-tifel.

F'dan l-istadju, ġenituri adottivi prospettivi jkollhom bżonn jivvjaġġaw lejn il-pajjiż ta' oriġini biex jiltaqgħu mal-minuri u ġeneralment ikunu meħtieġa li jattendu seduta fil-qorti. Seduti Ġudizzjarji kemm fil-Qrati Maltin u anke dawk barranin huma meħtieġa biex l-adozzjoni tkun legalment valida.​

In both foreign and local adoptions, adopted children are monitored by the Adoption Service social workers who review their progress. In the case of foreign adopted children, this progress is reported to their country of origin. Every country specifies the duration and frequency of such reports.

​Is-Servizz tal-Adozzjoni ħa ħsieb joħloq Adoption Family Network li jsir regolarment. Dan huwa ffaċilitat mill-ħaddiema soċjali tas-Servizz tal-Adozzjoni u kulħadd huwa mistieden jattendi.​

Meta wieħed iqis li s-Servizz tal-Adozzjoni jaqa' taħt il-Fondazzjoni għal Servizzi ta' Ħarsien Soċjali, li hija entità tal-gvern, is-servizzi offruti mis-Servizz tal-Adozzjoni huma bla ħlas. L-ispejjeż li l-applikanti jiltaqgħu magħhom huma, meta jaċċessaw servizzi esterni bħala parti mill-valutazzjoni tal-adozzjoni, bħal Tabib tal-Familja, Nutar, Psikologu eċċ. Il-biċċa l-kbira tal-ispejjeż jiġu mal-adozzjoni attwali meta l-applikanti jkollhom bżonn jivvjaġġaw lejn il-pajjiż rispettiv. Dawn jinkludu titjiriet, akkomodazzjoni, vjaġġar, traduzzjoni ta' dokumenti u servizzi legali.

Ġenituri li jadottaw minorenni minn pajjiżi barranin se jingħataw parti sostanzjali mill-ispejjeż li jkunu tħallsu, is-somma ta' €10,000. Dan is-sussidju japplika biss għal adozzjonijiet barranin li ġew konklużi mill-10 ta' Ottubru 2017 'il quddiem, anke jekk il-proċess ta' adozzjoni beda qabel din id-data. Adozzjoni titqies finalizzata biss ladarba l-proċess legali jiġi konkluż fil-Qrati Maltin u jinħareġ Digriet tal-Qorti. Din l-għotja għall-adozzjoni tapplika biss għaċ-ċittadini Maltin.​​